ഉടഞ്ഞ ബിംബങ്ങളുടെ കാവല്‍ക്കാരന്‍
ധര്‍മസങ്കടങ്ങളുടെ
തീരാഭൂമികയില്‍
ഉപദേശിയുടെ
പരിവേഷമായിരുന്നവന്‌ !!!

അലസ സല്ലാപവേളകളില്‍
ചിരിക്കുടുക്കയാക്കുവാന്‍
കോമാളി വേഷങ്ങള്‍
കെട്ടിയാടേണ്ടി വന്നു..

വരണ്ടുണങ്ങിയ ഹൃദയത്തിലേക്ക്‌
പിണക്കത്തിന്‍ വിത്തെറിഞ്ഞാല്‍
കൊയ്യാനൊരു കതിരുമില്ലെന്നറിവിലും
ദു:ശ്ശാഠ്യക്കാരനായ കര്‍ഷകനായി

ഉപയോഗിച്ചുപേക്ഷിച്ച
വര്‍ണവിശറി പോല്‍
സൌഹൃദം വഴിവക്കിലനാഥമായപ്പോള്‍
വെള്ളമില്ലാഞ്ഞാത്മഹത്യ ചെയ്ത
പുഴയുടെ തേങ്ങല്‍..

നിഴല്‍ പോലെ നിന്നവള്‍
ഇരുളില്‍ മറയവേ
ഹൃദയമിടിപ്പ്‌ നിലച്ചവന്‍
ഉടുക്കു കൊട്ടുവാന്‍ മറന്ന
പാണനായി..

തുലാസുകളില്‍
മാറി മാറി തൂക്കിയിട്ടും
തെറ്റിന്നളവ്‌ തെളിയാതെ പോയി,
രക്തസാക്ഷികള്‍
തെറ്റ്‌ ചെയ്യാറില്ലല്ലോ..

ഒടുവിലവന്‍
അലയുന്ന തിരമാലകള്‍ക്കും
ഉടഞ്ഞ ബിംബങ്ങള്‍ക്കും
കാവല്‍ക്കാരനായി

മരങ്ങള്‍ വീണുവോയെന്നറിയാന്‍
മാനത്തെ മഴക്കാറ്‌
നോക്കേണ്ടതുണ്ടോ?..
Labels: | edit post
6 Responses
  1. purakkadan Says:

    ഉപയോഗിച്ചുപേക്ഷിച്ച
    വര്‍ണവിശറി പോല്‍
    സൌഹൃദം വഴിവക്കിലനാഥമായപ്പോള്‍
    വെള്ളമില്ലാഞ്ഞാത്മഹത്യ ചെയ്ത
    പുഴയുടെ തേങ്ങല്‍..



  2. purakkadan Says:

    പാവം ഞാനും :D



  3. രക്തസാക്ഷികള്‍
    തെറ്റ്‌ ചെയ്യാറില്ലല്ലോ..

    ഈ പ്രയോഗം തികച്ചും അബദ്ധമല്ലെ.


  4. ഒടുവിലവന്‍
    അലയുന്ന തിരമാലകള്‍ക്കും
    ഉടഞ്ഞ ബിംബങ്ങള്‍ക്കും
    കാവല്‍ക്കാരനായി
    pravasam upeshicho?