കോണി..
എത്താത്ത കൊമ്പിലെത്താന്‍
കോണി ഒരനുഗ്രഹമാണ്‌..

കോണി വേണ്ടാത്ത മരഞ്ചാടികളും,
ഇളകിയ പടിയില്‍ കാലുറപ്പിച്ച്‌ കേറുന്ന
അഭ്യാസികളുമുണ്ട്‌, ജന്‍മവാസനയാണത്‌.

എത്ര കോണിപ്പടികള്‍ കേറിയാലും
എത്താത്ത കൊമ്പുകളെ നാം
സ്വപ്നങ്ങളെന്നു വിളിക്കും..

മുകളിലെത്തിക്കഴിഞ്ഞാല്‍ ആദ്യ പടി-
യേതെന്നോര്‍ക്കുന്നത്‌ നന്നായിരിക്കും,
ഒരു നാള്‍ താഴെയിറങ്ങേണ്ടതാണല്ലോ..

കാലുകളോരോന്നായ്‌ പെറുക്കി വയ്ക്കുന്നേരം
പടിയ്ക്കു നോവുന്നോയെന്നു ചിന്തിക്കാറില്ലാരും
കോണികള്‍ തേടിയലഞ്ഞവസാനം
കോണിപ്പടിയാകാനായിരുന്നെണ്റ്റെ വിധി...
Labels: | edit post
4 Responses
  1. മുകളിലെത്തിക്കഴിഞ്ഞാല്‍ ആദ്യ പടി-
    യേതെന്നോര്‍ക്കുന്നത്‌ നന്നായിരിക്കും,
    ഒരു നാള്‍ താഴെയിറങ്ങേണ്ടതാണല്ലോ..


    നല്ല വരികള്‍


  2. sv Says:

    Joshy ,nannayi. padi keri mukallil chennittu thirinju nokkiyal darshana swabhagyam kittum ennanu.
    pashe orikallum kayariya padi erangaruthu... good luck


  3. ഒരുപാട് അര്‍ത്ഥമുള്ള വരികള്‍...
    നന്നായങ്ക്കുന്നു..


  4. purakkadan Says:

    പ്രിയാ, എസ്‌വി, നജീമിക്കാ വരികളിലൂടെ കടന്നു പോയതിനും അഭിപ്രായ പ്രകടനങ്ങള്‍ക്കും നന്ദി...